السلام عليكم ورحمة الله وبركاته
الى كل الاخوة والخوات الموجودين الاعضاء والزوار اهدي لكم هذه الابيات صحيح شي بسيط لكن بها معنى اتمنى ان يكون في قلب كل عراقي
بالبداية اهدي هذة الابوذية الى اخي وعزيزي علاء

الك وكفات اذكرهن واراهن
وازامط بيك عالاخوة واراهن
جدامك لو سعن اسعي وراهن
على الكلفات يبو ذات الوفية
********************
انة ياهل تنشد على حالي ولوني
جنت مهيوب واحبابي ولوني
صديقي يريد من لحمي ولوني
اكلني وضحك العالم علية
********************
غيرك ماحلا بعيني ولاطاب
ولادونك دخل قلبي ولاطاب
يجرحي وياك لاهود ولاطاب
بقلبي انتة وانتضرك ليوم المنية
********************
صديق الي تشوفة نقي ونضيف
نود كل يوم نمشي علية ونضيف
على طيبة نكمل طيب ونضيف
بكثر معنى الحروف الابجدية
********************
البشر معدن تعرفة بيوم ينحاك
يوم التوكع ومكسور ينحاك
على خيط المصايب كام ينحاك
وكتلك ياخوي تعال الحك علية
********************
حسبتي لاسنة سنتين تصفة
وحسافة بيد هيج انذال تصفة
ترى ماظل صدق عند هالناس يصفة
نتاني واليصير يصير بينا
********************
وحك الشال سيفه وطبر بالهام
ومن ظيم الدنيا اشردت للهام
اخوي المااشترك وياي بالهم
مااريدة بممماتي يمر علية
********************
علاء تضل صاحب فضل وشكبر فضلك
وخلكي مافضى لغيرك وفضلك
اميزك عالخلك كلهة وافضلك
وبسمك احترس صبح ومسية
********************
الك ياصاحب ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف جنون حبك شسوى بية
********************
ولاجن نياب الوكت عضني ولاجن
واخوي يعاين بعينة ولاجن
سبع بالقوم جنت ولاجن
طحت وتقابلت كلهة علية
********************
وللعراق الغالي اهدي

طبع اليحفر بصحراء يعرك
ومن طبع الشجر بالارض يعرك
ومن طبع العراقي يصيح ياعراك
الك اهدي العمر فدوة وهدية
********************
وحك الالف واللامين والهه
روحي بهوى ساهي العين ولهة
لها قلب وجبين وعين والهة
خد شبه القمر لو سطع ضية
********************
سلامي للوفي ياطير وصلة
احبة ومن صدق محتاج وصلة
كريم النفس وابن اطياب اصلة
عزيز وفركتة صعبة علية
********************
وللجميع اهدي ومن قلب وفي وصادق

لاتشتري ميزان توزن به الناس
الناس ميزانها وكت الشدايد
ذاك الوكت كل مخلوق ينقاس
وترجح الكفات لاهل العوايز
والوفي الي خوتة ترفع الراس
يبقى الوفي وزنة على الكل زايد
********************
والختام
مثل الندى ياصافي الروح ذكراك
تغسل هموم النفس وتروي ظماها
عسى ربي ياابيض الكلب يرعاك
وعسى عيني الماتودك تلكى عماها
وعسى السعادة دايم الدوم وياك
وعسى الفرح ياتيك من عالى سماها
تحياتي

إذا مَا حَالَ عَهْدُ أَخِيك يَوْماً وحَادَ عَنْ الطَّرِيقِ الْمُسْتَقِيمِ،
فَلاَ تَعْجَـلْ بِلَوْمِك وَاسْتَدِمْهُ فَإِنَّ أَخَا الْحِفَـاظِ الْمُسْتَدِيم،
فَـإِنْ تَـكُ زَلَّةٌ مِنه وَإلا فَلاَ تَبْعُدْ عَنْ الْخُلُـقِ الْكَرِيـمِ.

الإخوان خير مكاسب الدنيا هم زينة في الرخاء، وعدة في البلاء، ومعونة على الأعداء.