۩ ألأقســـــام ألادبيـــة ۩

ماكَلتيلي احبك بس شفت بالعين

جن نحتوا على البؤبؤ تحبيني

وماكَلتيلي اريدك بس احسج ليش

غير الغير كلهم انتي ترديني

كَلبي المارعش مابرد فد يـــــــــوم

غده بتموز يرجف من تلاكَيني

وعيوني العنيده الماتهل ادمــــــوع

عجب بس شافتج شو غوركَت عيني

احبج مـــــــا احبج حرت واحتاريت

تيهت الفكر تاهت مـــوازيني

احبج ورد اكَلج بس يجيني الخوف

ويلفلفني بسكوته وما يحجيني

ومــرات انـــهزم مـنه واجيج بشوكَ

وبلهفه اعتنيج وماتشوفيني

مشغوله بــنـــمـل حسبالج يحبوج

ياطبع العسل بس مره فهميني

ماريد العسل منج ابد ماريــــــــــد

رايد سم بديج الحلوه تنطيني

وانه خايف عليج من الــنــمل والله

تنشغلين بيهم وانه تنسيني

دليني اعله بابج كَولي هـذا الباب

ليش اصرخ احبج ماتسمعيني

اصحابي درو بيه انه احبج حــــيل

وبس انتي الوحيده المادريتيني

حبيني جرف خليني احبج مـــاي

وخلينه انتلاكَه ولاتعذبيني

لا تحرمونه من ردودكم

روووووووووووووووووووووووووووووووعه انمار الورده عاشت ايدك على الابداع ويارب المزيد من التالق دائما تقبل تحياتي ومروري سهى

جميل كلش راقي تسلم ايدك
هيك كلام عمري ماسمعت منو انت كلك زووء ربي يخليك
تقبل مروري

روووعه

۩ ألأقســـــام ألادبيـــة ۩

منتدى ألشعر ألشعبي

ماكتلي احبـــــك