۩ ألأقســـــام ألادبيـــة ۩

حبك فلك داير صرت ادور وياه

اذا اشبكك شبكت العالم باسره

والشافك غصب حبك لان مجبور

اذا موشفتك انت عيونك اتجبره

واذا فت بدرب والدرب نعسان

على حيله الدرب يوكفلك بصدره

ولو شافك الشايب حيله يرتاح

وبلمست اجفوف تردله كل عمره

ربك بالخلق من جنه سواك

اظن للبشر انت منزلك عبره

حتى انكول جنه وتمشي عالكاع

ومحد يعترض ربك صدر امره

واذا بالبيت انت وياي طبيت

يظل خجلان بيتي وينتظر بره

مايكدر يباوع توكع الحيطان

وبدوسه اجدامك ساسهه اتفطره

يعني انت جمالك فوق العقول

يوسف لون شافك تخنكه العبره

فطره الناس جانت عالموده تعيش

بس من شافتك موتو كل فطره

عليك الناس كامت تخترع افكار

وكلمن كام يطرح بالحجي فكره

وسولك مصانع فقط للانتاج

من موضع اشفافك كبل للفقره

بهيده وي الخلك من تمشي يامدلول

ربك بالمشي هم وصه او ادره

لترد ابدرب بي فايت من ايام

اخافن كال واحد نتبع اثره

ظل كاعد ابيتك رحمه للعباس

والعباس ثق ماتسلم الجره

__________________

۩ ألأقســـــام ألادبيـــة ۩

منتدى ألشعر ألشعبي

ظل كاعد ابيتك رحمه للعباس