شفت واحد فقير العوز عايش بي
وبسعف النخل مسگوفه حيطانه
لچن بته شريفه وتاج فوگ الراس
لأن اكلت حلال بتعب ذرعانه
وشفت واحد غني وما عرف أسم العوز
وقصر بيته وذهب مفتاح بيبانه
لچن بته الشرف متعرفه شنهو شلون
لأن اكلت حرام بسبب طغيانه
***
ليره الغيره صدگ وسخ الفلوس
وزغير المال والغيره چبيره
ولا تطغه يعمي وتحقر الناس
وتشوف الوادم بعينك زغيره
ربت كل الطغاوه براس نمرود
تاليهه بعوضه تهز مصيره
ولا تكبر لأن جيبك ثكل حيل
الثكل مو للموال الثكل غيره
وراح انطي الفرق ما بيت الاثنين
وانته احسب عدل يبن الأميره
صح بيتك چبير وجامه تظليل
وبوسطه تضيع اكبر عشيره
وصح ابنك يفز من نومه مرتاح
لأن شبعان نايم عل حريره
وصح بيتي زغير وجام ما بي
وگصب حيطانه وفراشه الحصيره
وصح ابني يفز من نومه تعبان
لأن جوعان غافي وجوعه حيره
لكن رغم كل هذا اني مرتاح
لأن تملك وسخ واملكلي ليره
وهل كلمة ردت تحفظهه للموت
وتجعلهه بأذانك چن أسيره
شچم قصر بقصر ما ستر الاعراض
واعراض اشكثر سترتهه صيره
الغني والفقير
اليوم في 20:23
عدد المساهمات
عدد النقاط
عدد النجوم
جنسيتي
عملي
هوايتي
مزاجي
برج العضو
العمر