ومن اليوم شفتك .. شو برد حبي
:
جنت بالكوه اهرب من نضر عيناك
واحسك ويه شعري بروحي متربي
:
واليوم انه انضر عمدا ً الرمشيك
واجيك واقترب ... ما احسك بقربي
:
حرامات التعب ذاك التعبته وياك
حرامات العمر والدمع عالخدين
:
مو انت الذي تستحق مني الشوك
ولا انته الذي تستحق هاي العين
:
جنت بلا وعي لمن كلت اهواك
كلتهه بلا وعي وجنت انه اضنك زين
:
شفتك كالنبع مايك حنان يفيض
اسف لمن شربتك لو لكيتك طين
:
خليتك كحل بعيوني هاي وهاي
ابد ماجنت اضنك تاكل العينين
:
سحبت انه المشاعر والندم والاه
رضيت بسرعه اكون لخاطرك مسكين
:
بعتني بكل رخص واندارت الايام
وهسه بلا ثمن بعتك ولك بالدين
:
ماتسوه الحزن اه امداني شلون
حزنت انه كبل واخسرت احله سنين
:
علي ضل مبتعد مرتاح انه بلياك
مامشتاك الك ماريد اعرفك وين
:
صح انه اعترف بجفوني جنت الكاك
وهسه انه شلت من عيني الجفنـين