۩ ألأقســـــام ألادبيـــة ۩

ناطر الچتال

عون اجفوفي ألك صارن بوكت الضيج

وعونك صار سيف وگطع جفينـي

وصرتلك عين حتى أتشوفهم لو جوك

صرت أتراب تالي وغلگت عينـي

عمري أطيته الك شتريد فوگه أطيك

وأنته بكل وقاحه أتهـــدم أسنينـــي

وسيف أنه صرتلك خاف يوم يثور

تاليها الشمــــــاته أتگــــوم تطينــي

نار أعليك أجيت البرد من وازاك

وأنه أبنص جهنــم وأنتــــه تچويني

نياشيني البكلبي من الطعن صفنات

وعلى أحسابك علي هــــدن نياشيني

تظل سچيني بيدي وناطر الجتال

أخاف من أنتظر مو تعمـــه سچيني

كافي وجوز بسك لا أثور أعليك

وعلي تكبر أبراسي أطلــــع سواديني

يل تمثال گلبك وأنه أعرفك زين

لان تمثال گلبك ناحتــــه أبطينـــــــي

ماريدك بعد والجسر شيله أوياك

ولا إريد من اطيحن عود تبنينـــــي

ماأردن بعد ورگه وگطعها الريح

من ترجع الورگه أيجوز تلكينـــــي
__________________

كما راق لك راق لنا
رائع حتى بانتقاءاتك
لك كل الحب
ولا شيء سواه
تقبل مروري

كلمات هزت الوجدان
لبوحك اريج الرياحين
تنسكب الروح بين سطور كلماتك
فترتمي في احضان احاسيسك
لتستلهم منها الرقة
حرفك اسر اخاذ
فيه من العنفوان والوداد
دام حرفك في بوحك
وسلمت اناملك لحسن الأختيار

وانتظر جديدك

طرح اكثر من رااااااااائع

الامل هو الشي الوحيد الذي يصبرنا على فراق من نعزه ونحبه

تحياتي لك خيووووو

لاعدمنا جديد

۩ ألأقســـــام ألادبيـــة ۩

منتدى ألشعر ألشعبي

ناطر الچتال