(( طيشيت السوالف ))
من اوصل لبيتك مدري شنهي يصير
احس گلي ارتبك واتعثر بــروحـــــــه
وافرح من اشوفك واكف اعلئ الباب
مثل الطفل گلبي وشاف مرجوحــــــه
ويم بابك اجروح و تختنك عـــبرات
ومن گَثر الجروح العبره مجروحــــة
ويم بابك گـلب خلـيـتـه من اسـنـيـن
وبعد اسنين اجيته وما خلص نوحـه
فك بابك رجاءاًًًً شوف بيه اشصار
عتبه اباب بيتك روحي مطروحـــــة
وما اريدك فقط تفتحلي باب البيت
اريـد ابواب گــلـبـك لـيه مفتوحــــة
طشيت السوالف ذكـرى يــم الـبـاب
مخبوطـة بـدمع واشـواگ مذبوحــــــة
ولتگلي بعد أكـتـم اسرار الشـــــوك
المسودن عشــگ اسراره مفضوحــة
وامس جنت آنه احبك هسه اموت عليك
باجر من اجيك البوسة مسموحـــــــــــــة
باجر لو اجيت البوسة مسموحــــــــــــــة
البوسه مسموحه))قصيدتي واتمنى تعجبكم
أمس في 16:32
عدد المساهمات
عدد النقاط
عدد النجوم