۩ ألأقســـــام ألادبيـــة ۩

من اول نظرة شفتك عيني دمعت ليش

ايجوز اول حبيب ابكلبي خليتك

وانت اول عشك صاير ابهاي الروح

وافتحتلك باب كلبي وهم تلكيتك

شنو حسنك خرافي ايدوخ الميدوخ

والما داخ هم ايكلك اشلونك

اباوع عالشوارع ظلمة كلهة اشلون

اشو بس انت اضحكت نورتهن اسنونك

اشكد شايف بشر بس ماكو هيج اشكال

اظن من الفضاء و علي شمرونك

وبس انت الوكفت شارع بالاستعداد

نسوان وزلم الكل ينظرولك

مشيت وعود تمشي اتكول جنك ريح

حتى الريح خافت من شافت اجفونك

ولك كافي اقهرتني واقهرت هاي الناس

كل ساعة اجو عني يسالونك

عمي انت بشر لو بالجذب مخلوق

بس لا ملك انتة وعلي ذبونك

اشو كل ساع عشيرة اتدك علية الباب

خطابة عليك اهواي يردونك

وكثرت المشاكل من وراك اهواي و

خربت العشاير من ورة عيونك

يا ديوان اطب الكة الك عشاك

اظن كل العراقيين يحبونك