۩ ألأقســـــام ألادبيـــة ۩

بيني وبين نفسي اشكد افكر بيك
واكول اشمعنى انت.. الشاغل اضنوني
مو اول عشك خاطرتشل الحال
ولا اول جمال اتشوفك.. عيوني
شجاها الروح يمك ذبت اسرار
وليش ارجف عليك ..وينخطف لوني
وحتى الناس كامت تعرف بهل الحال
وما اعرف.., شكلهم من يسألوني
يطبون بصفنتي وعنك ايدورون
ويلكوني افكر بيك... يلكوني
وصاحت كلها صاحت انت بكت افلان
وما عندي لكوك.. وبيك تهموني
تهموني بمحبتك والله لو يدرون
على ضيم العلي.. ايضل يواسوني
ما يدرون عايفني مهب الريح
وانه وياك عفت الما يعوفوني
يحبوني اشكثر والجيتي ايتانون
واخجل من كثر ما كام... يتانوني
وانت تحبني شلون بالله وياك
امرن بيك...، ما امر باليحبوني
عفت الي شروني ومن ارد اشلون
هم اسوة بعد... والنوب يشروني
حبيتك شجاني ما حسبت احساب
خيعونك علي... مو انة خيعوني
تحبني.. واحبك..والمصيبة انوب
اريدك وانهزم.. من اليريدوني
ومن دونك صرت ما اعيش وي الناس
وانت بكل سعاده... تعيش من دوني
باحزانك اودي دموعي تبجي وياك
وبافراحك ابد ماتذكر اسنوني
من سمعو اهلنة العشك دك الباب
ما خلوك اهلك ...واهلي ما خلوني
ما خلوك اهلك حكهم يخافون
بس اهلي المحبتك ..شلع باعوني
وبس اهلي المحبتك .. شلع باعوني

تحياتي

عاااااااااااااشوا مشكووووووورة
تحياتي

سهى الغالية
العذبة إحساس أنثى

الإبداع هو عيناك اللتي ما أن تناظر الأشياء تجعلها تتوهج

إبداعاً وألقاً مهما كانت خافتة

لك الود والتقدير

شكرا على المرور الجميل نورتو صفحتي المتواضعه وتقبلو تحياتي

سلمتي على كلماتكي
ابداع متواصل
انتي التي جعلتي المنتدى افضل
تقبلي تحياتي وتقديري لمجهودكي

۩ ألأقســـــام ألادبيـــة ۩

منتدى ألشعر ألشعبي

شكد احبك