۩ ألأقســـــام ألادبيـــة ۩

خليني بعذابي وليلي كله ادموع
بس ﮔلي الجنيته اوياك وشجاني
مو دمعك كتلني بصورتك ﭽتال
اعدمني اعله ايدك بعد شمتاني
صفيت اطبج ونيني الاه وي الاه
ولا انته الـﮕلت بالتالي ينساني
ولا فكرة يوم ايصير هچي اوياي
وكلامك من قريته اسموم واسـﮕاني
غطيت بحزن من الجدم للراس
والتمت عليه وزادت احزاني
وضحلي السبب مرات اعيد اعليك
والهسه الجواب الردته ما جاني
بس ﮔلي بمرامك ليش تـﮕصي اوياي
تحصدني خضر من ﮔبل ميحاني
اظل صابر واﮔلك حيل دوس اچلاي
ومنك ما امل لوعاني .....ما عاني
افرشلك ﮔلب وانته اشهر السچين
ﮔطع بي بكيفك ما أصيح آني
راويني المنايه وشمت العذال
وجيب امواستك ﮔطع بشرياني
اذا بسك صحت لتـﮕول چان اهواي
خل يسمع القاصي ويسمع الداني
ولو نفرض مشيت وما سمعت انداي
اظل دوم اعله دربك ناطر...امتاني
بس هذا الخيار ابعيد اريده ابعيد
ولاريده يمر لو ضيف بلساني
واتامل سماحك ياحلو البسمات
وغيرك لا اريد ولا احب ثاني
ظنيتك حياتي وانته عني.... ابعيد
وزرعتك وسط روحي وصرت عنواني
بس احسب احسابك خاف من الله
طيرآنه صفيت وانته ....سجاني
صحيح انته اليعجبك تـﮔدر اتسويه
ولا مجبور اذا قررت... تنساني
بس ابقه بهواك احزان فوﮒ احزان
وغناي ايصير نوح وحزن الحاني
شصاي ؟ لوخذت بحچاية الواشين
تـﮕلي ابعد بعد لاتدﮒ ..... بيباني
ليني اوياك ظنيته ضعف ياحيف
ما تعرف اطباعي وشنهي وجداني
مرتاح الضمير اصبحت هسه اوياك
طلع منك الصوچ وچني ما باني

سلمت يداكِ يا سهى على هذه الكلمات الجميلة
تقبلي مروري مع خالص تقديري لشخصيتك الكريمة
ودمت بالمحبة والود

تخذلني التعابير امام حرفك الرائع
ماذا عسائي ان اسطر لك يا اميرة الحرف
فحتى لو سطرت لن اكون وفياً لروعة حرفك
ولكن اشكرك بعدد الاطفال الابرياء
فكلماتك بمملكة العشق دستور
فكوني دوماً هكذا
لكَ ودي
واحتراماتي

» قد يكون الحزن عنواني ولكن ليس دائما؟
» احبك والله شاهد روحي معلكه بيك

۩ ألأقســـــام ألادبيـــة ۩

منتدى ألشعر ألشعبي

زرعتك وسط روحي وصرت عنواني