۩ ألأقســـــام ألادبيـــة ۩

مو اول عشك خاطر تشل الحال
ولا اول جمال اتشوفك عيوني

وك شجاها الروح يمك ذبت الاسرار
وليش ارجف عليك وينخطف لوني

وحتى الناس كامت تعرف بهالحال
وما ااعرف شأكلهم من يسألوني

يطبون بصفنتي وعنك يدورون
ويلكوني افكر بيك يلكوني

صاحت كلها صاحت هذا باك فلان
وماعندي لكوك وبيك تهموني

تهموني بمحبتك والله لو يدرون
على ضيم العليه يظل يواسوني

مايدرون عايفني بمهب الريح
وانا وياك عفت الما يعوفوني

اليحبوني شكثر والجيتي يتانون
واخجل من كثر ما كام يتنوني

وانت الماتحبني اشلون بله وياك
امرن بيك وما امر باليحبوني

عفت اللي شروني ومن ارد شلون
هم اسوه بعد والنوب يشروني؟؟؟؟

حبيتك شجااااني وماحسبت حساب
خي عونك علي مو اني خي عوني

متحبني واحبك وانوب اريدك
وانهزم من اليريدوني

من دونك صرت ما ااعيش ويا الناس
وانت بكل سعاده اتعيش من دوني

بأحزانك اودي عيوني تبجي وياك
وبفراحك ابد ماتذكر سنوني

من سمعوا اهلنا العشك دك الباب
ماخلوك اهلك واهلي خلوني

ماخلوك اهلك حقهم يخافون
واني اهلي المحبتك شلع باعوني

متحبني واحبك والمصيبه انوب
اريدك وانهزم من اليريدوني

وك بيني وبين نفسي شكد افكر بيك
واكول شمعنى انت الشاغل ضنوني

مو اول عشك خاطر تشل الحال
ولا اول جمال اتشوفك عيوني

رؤعه

تعودنا منك التميز ولكن اجد هنا الأبداع ,,

أهنئك عليها ,,

الى الأمام دوما ,,

قصيدة حلوة
رآئع مآخطته آحرفك هٌنآ سيد المشآعر ..
دمتْ مُتآلق.. ياانمار الغالي

كلمات تنزف من قلب يغمره الحب
بحروف تحاول ان تذكر
ذاك المساء الذي شع ضـوئهُ
بين نجوم السماء وبوح القمـر
بحنين الماضي القريب الذي
ساطعه نوره بالوان الطيف و آهات الشــوق
فبداء الشوق يصرح داخل القلب
وهو بحاجـة الى ذاك الحبيب
فمن الصعب نسيــان لذلك الإنســان
مع ودي وتقديري لك انمار البابلي

» قصيده معاتب
» تانيتك ........قصيده عتب
» احلى قصيده قرأتها
» اجمل قصيده واهديها الى كل الاعضاء

۩ ألأقســـــام ألادبيـــة ۩

منتدى ألشعر ألشعبي

قصيده حلوه