۩ ألأقســـــام ألادبيـــة ۩

صحيح الليل بعدك اطول من الليل
بس يخلص غصب لحظه بأثر لحظه
صحيح اتمرضت وبكَلي ماضل حيل
بس عادي المرض كل احنه نتمرضه
قانون العشك ماوكف بس اعليك
ودستور العشك مو انت التفرضه
انساك اي نعم واتحده كلبيي انساك
من اليوم اعوفك ارضى ما ارضى
رفعتك للكمر بيديه هاي وهاي
ومن كليبي صاحك طيحت حضه
جنت اللكمه لك اقسمه ان وياك
واسجل روحي لك واخذهه بالقرضه
والصم كل حلك بالشر ذكر طرواك
واصون اسمك جنت واتفاخر بحفظه
اتوضه بضحكتك من اشوفك جاي
وانت شكد صلف بدموعي تتوضه
مثل بلبل حسبتك واني شجرة تين
واحسك بيه تاكل ضلعي اترضه
لكيتك تنتشر بجروحي ويه الروح
واغصاني التحبك ...ماتت بلحضه
واباوع كَلبي ينزف يصرخ بلاصوت
ومعضوض اعتقد منك الف عضه
اكلت هروشي ليش اني شجنيت وياك
اي مو بلبل حسبتك شو صرت أرضه
بعد محد يحبك لا ابد والله
لا .. يمكن اضن بغيري هم تحضه
صياد انت ماهر بالجذب فنان
وكل صياد ماهر للخطر عرضه
اذن باجر بلحضه كبالي هم تنصاد
واسأل من ينقذك من تجي اللحظه

تسلم انمار

كلمات روعة وجميلة تعبر عن صدق كاتبها
مشاعر قوية واحاسيس رائعة في وصف العتب
تمنياتي لك الكثير من الابداع

والله رووووووووووووووووعه انمار عاشت ابدك

» تانيتك ........قصيده عتب
» قصيده حلوه
» احلى قصيده قرأتها
» اجمل قصيده واهديها الى كل الاعضاء

۩ ألأقســـــام ألادبيـــة ۩

منتدى ألشعر ألشعبي

قصيده معاتب