تانيتك اثاري جذابة المسافات
وجذاب القطار يردك ردود
وجذابة الحديقة وشجرة التين
وجذابة المحطة الباب مسدود
وجذاب الكرسمس والشمعدان
وجذب عود البخور وعطر الهنود
وينك صارت حفنة اسنين اتانيك
واكلب بليالي البيض والسود
مل مني الصبر والسكتة والحيف
ولا مليت من صفنات العجود
ولاملتك روحي وفاتهةالفات
موهية معلمة شما تنكص تزود
تانيتك وما حسبت حساب الايام
ولاحسبت عمري يروح فرهود
ليهسة انشد عليك الراح والجاي
كالولي انتضر كل غايب يعود
كسرو منجلي بنص موسمك ذاك
على ياذمةوبخت سموني حاصود
حضالة بعود ذاك الشتل عودين
انة ولاهرش خضر ولاعود
موكتلك جذب حجي الحجينا
وجذب كلشي بحياتي الجان موجود
__________________
تانيتك ........قصيده عتب
أمس في 20:38
عدد المساهمات
عدد النقاط
عدد النجوم
